අත්තම්මා

         කුසට නොකා නුඹ අප සැනසු හැටි
         අප රැක ගන්නට දුක් වින්ඳ හැටි
         ලෙඩට දුකේදී ලඟින් සිටී හැටි
         යහ මඟ යන්නට පාර කිවූ හැටි
         .....................

         ආසයි මට නුඹෙ ඉහ ඉද්දරින් ඇළවෙන්න
         නුඹේ කවියකින් සැනසෙන්න
         නුඹට කියා මගෙ හිස පිරිමැදගන්න
         නුඹේ උණුසුමෙ වැතිර සිටින්න
         ......................

         අපි වෙනුවෙන් නුඹ පැතු ලෝකයට
         අපි අද යමින් සිටිනා අතරේ
         ඒ සතුට විඳගන්න නුඹ නැති මොහොතක
         ඒ අඩුව දැනේ හද පතුලට ම
         ......................

         සිටිනා ලෝකෙක යෙහෙන් වැජබෙන්නයි
         මතු සංසාරෙදි නිවන් දකින්නයි
         උපදින මතු ඳා නුඹෙ ම පුතු වන්නයි
         අත්තම්මා නොව නුඹ මාගෙ අම්මයි....

මම දැන් හෙලයෙක්

අපි මුසෙල්මාණුවන්ගෙ කඩ වර්ජනය කරමු
සිංහල කඩවලට ම යමු
අපේ අය අපිට ගොඩක් අඩුවට බඩු විකුණාවි
මාසේ අන්තිමට හම්බෙන තුට්ටු දෙකෙන්
කරන්න තියෙන වැඩ ගැන මුදලාලියා නොදන්නවයි

එතකොට අපේ සල්ලි අපේම අය ලඟ
ලාබෙන් කොටසක්
මුදලාලියා අපේ ජාතියේ සුභ සිද්ධියට වෙන්කරාවි.
කොටසක් පන්සලටත් පූජා කරාවි
පන්සලෙන් ඒවා දුප්පතුන්ට බෙදා දේවි

එතකොට තම්බිලා දුප්පත් වේවි
උන් පිරිහිලා යාවි
මේ රට අපිට ඉතිරි වේවි
සිංහලයෝ යහතින් වැජබේවි
ඒ කියන්නෙ මම දැන් හෙලයෙක්

පට්ට කඳ

        ගහක් කොළක් නැති කතරේ
        වේලිච්ච කාලේ ඉවරයි..
        මේක පුදුම ගහක්
        පට්ට කඳ
        හරහට දාලා ඉරාගත්තනම් මරු..
        තව තව අදහස්
        සැවොම පොරකති..
        අඩෝ ඒක දිරච්ච එරඬු ගහක්
        එකෙක් මොරදෙයි..
        ඒත් අනිත් උන්ට ඒ වගක්වත් නෑ
        *
        *
        මේ කිසිවක් නොඳන්න ගානට
        ගහ ඔහේ ඉන්න හැටි..

වැටේ තරමට කඩුල්ල

        වාරුවෙන් නැඟීසිටින 
        අබලන්වූ දිරාපු ඉණි වැට
        වුනාට කම් නැත
        මොකටද කඩුල්ලක්
        ණයවෙලාහරි දමන්නෝන
        මහා පතරංග
        යකඩ ගේට්ටුවක්
        ලෝකෙට පෙනෙන්න
        ලස්සනට
        උජාරුවට......

වැරැද්ද

       වැරදි කරන උන්ට
       තමන් කරන වැරැද්ද
       තවෙකෙක් පෙන්වාදුන්විට
       උන්,
       වැරැද්ද හදාගන්නවා වෙනුවට
       විලි ලැජ්ජාවක් නැතිව
       ඒ වැරැද්දම
       අනිත් උන්ටත් කරන්න යැයි
       කියන අපූරුව

යන්නම්....

     අතීතයේ දවසක
     හිත තුල තෙරපුණ
     ඒක පාර්ශ්වික ප්‍රේමයක්
     කියාපාන්නට සැරසුණ මොහොතක
     ලොවට හොරා සැඟවගිය නුඹ

     අහඹු මොහොතක දෑස් යාවී
     කල්පයක් බඳු ස්වල්ප මොහොතක
     මුවින් නොපැවසූ දහසක් දේවල්
     සිතාගන්නට ඉඩ තබා

     නාඳුනන කෙනෙකුගේ
     දෑතේ පැටලී
     යන්නම් කියා ගිය අපූරුව... 

අඳ ගොවියෝ

     පැළ සිටුවා හදා වඩා
     උදේ සවස වතුර දමා
     නිසි කාලෙට පොහොර යොදා
     අණ වින දොස් සැම පරදා

     කල දවසත් ගෙවී ගිහින්
     පුංචි පැළත් ලොකු ගස්වී
     මල්බරවී පිරිපුන්වී
     ඵලදාවෙන් අතු බරවී

     හදා වඩා රැකගත් ඒ
     මුල අමතකවූ ගස්වල දැන්
     හිමි කාරයෝ සැම වටවී
     තම රිසිසේ ඵල බුදිතේ

     ගහෙන් හැදුණු තව අංකුර
     පෙරදා මෙන් හදා වඩා
     අඳ කුඹුරට ආල වඩන
     මහමෙර වගෙ මවයි පියයි.....

තරු ඇස්දෙක

තරු කැට දිඳුලන
ඇස්දෙක අරගෙන
යන්නම නුඹ පලයන්..

දඩාවතේ ගිය ඇස්දෙක එක්කොට
බැඳලා තියාගෙන
මම ඉන්නම්....

කිසිදා නොමැකෙන හදේ ඇඳුණු නෙතු
මගේ ම කරගෙන
සැමදා සිටින්නම්...

සාපේක්ෂ දෘෂ්ඨිය

 
 

නිරුවත් දෑසින් නොදැක යතාර්ථය

  පාට පාට කණ්ණාඩි තුලින්

    අපි දකිනා මිත්‍යාව

         *

         *

         *


A: මචං ඒක සුදු පාටයි නේ??

B: නෑ බන් ඒක කලු පාටයි

   බොරුනම් මේක දාගෙන බලපන්


A: ඇත්තනේන්නම්

   ඒක කලු පාටයිනේ...


A: මචං ඒක කලු පාටයි නේ??

C: නෑ බං ඒක සුදු පාටයි

   බොරුනම් මේක දාගෙන බලපන්


A: ඇත්තනේන්නම්

   ඒක සුදු පාටයිනේ....

ඇතිවෙන්න තලපන්

  
        උඩ පැන පැන උඹ තලපන්
          මං ඔහේ බලා ඉන්නම්
      මාව තැලෙද්දි උඹට හරි සතුටු ඇති
         ඒත් උඹ දන්නෙ නෑ
 උඹ තලන වාරයක් ගානේ මම මුවහත් වෙනව

          හීනෙන්වත් හිතන්නෙපා
      දවසක මම උඹේ ගෙල සිඳියි කියා,
          උඹ ඒ තරම් මෝඩයි
      උඹට පෙනේවි ඒ යකඩ මුවහතින්
  මම මගේ ජීවිතය නමැති කැටයම කපන හැටි

         අද වගේ ම හෙටත් තලපන්
         ඇතිවෙනකම් සතුටු වෙයන්
        මහන්සි නම් විවේකයක් ගනින්
         මට බොරු අනුකම්පා එපා
                *
                *
                *
           නොසැලෙන මම
               ~~