ඉඩ කඩම් යාන වාහන තව තවත් සැප පහසුකම් හඹායන අපේ ජීවිත දෙමව්පියන් දූ දරුවන් අඹු සැමියන් තවත් දේවල් අතහැරෙනවද ඉතින් හතිවැටුණ දවසක හැරී බැලුවම ලැබු දේට වඩා කොතෙක් නම් තව වටින දේවල් අහිමිවී ඇතිබව දැනෙයි නිසැකව ලෙඩ ගොන්නක් කරපින්නා හිතේ සැනසුම අහිමි කරගෙන රැස්කරගත් සැප සම්පත් දමා යන්නට වෙනව සැමට ම දිවීම මදකට නතරකොට අපි මදක් නැවතී ඉසිඹුවක් ගෙන හැරී බලමුද අතහැරුණෙ මොනවදෝ කියා යන්නෙ කොතැනටදෝ කියා
ජාති කුල වර්ණ නන් විද බෙදුමින් බලවතුන්ගේ දෙපා ලඟ තැලී පොඩිවූ සුවහසක් මිනිසුන් හෙලූ සෝ සුසුම් ලේ දාබිඳු වලට අයදිමි සමා මනුසත්කම වෙනුවෙන් මිනිසුන්ට මිනිස්කමින් සලකන හෙට දවසක් වෙනුවෙන් මොහොතක් නැවතී දුරස්බව අත්හැර ඇහුම්කන්දෙමු අනිකාගෙ හද ගැහෙන රාවයට
ගලන ගඟකි නුඹ
වලකාලනු බෑ
මගේ දෑතින්
සැඬ පහරක්වී
ගසාගෙනගොස්
එකතුවී ඇත
මහ මුහුදට
උදුරාගෙන මා සතුවූ
අවසන් හුස්ම පොද ද
වගේ වගක් නැත
මහ මුහුදට
තවත් මුහුවීමක් පමණි
පින්තාරු මුහුණේ නේකවිද වත්සුනු
දියවී යන්නට ඉඩ නොදී
මංගල පෝරුවේ
මනෝ පාරක් ගහන් ඉන්නට
උපදෙස් දුන්නා සංවිධායක
මනමාලිට
රෙදි කච්චියක් දීලා
බීපු කිරි වලට
දෙකට නැමිලා යන්නම් අම්මෙ කියන්නට
කඳුලු නොසලා
හැඩට ඉන්නට
පිංතූරෙට
ලස්සනට
දවසක්දා මම යනකොට
තඩි මල්ලත් උස්සාගෙන
ඉස්කෝලෙට කෝච්චියෙන්
මහ මෙරක බරක් හිතේ දරන්
ඇය යනවා
අම්මා හට වාරු තියන්
අසීරුවෙන්
දරු පැටියෙක් කුසේ දරන්
සායනයට
අසරණ මුහුනින් යුක්තව
නෙතු සඟලම
බිමට හොවා
ලැජ්ජාවෙන්
එක බංකුවෙ එකට ඉඳන්
අකුරු කෙරුව පුංචි දැරිය
ඇයගේ අතීතයේ ඔහු ද
ඔහුගෙ අතීතයේ ඇය ද
නැත
එනමුදු තව බොහේ අය සිට ඇත
එහෙයින්
ඔවුන්ට අනාගතයක් නැති ද?
පරිවාර වාහන හත අටක් වටකර
පොළිස් සයිරන් නළා හඬවමින්
යයි හැටට හැටේ
ප්රභූ මැතිදුන්
හිස නමා ආචාර කරයි රාළහාමි
සසරෙ පිං කර නොමැති එලෙසින්
පොදු මහජනයා
යති තනි කකුළෙන් එල්ලී පාපුවරුවේ
දහදිය පෙරාගෙන
පැය ගනන් හිර වෙවී තද බදේ
නැවතුවා බස් රථය
අපේ රාළහාමි
බහිනව තමුසෙලා
තුන් දෙනාව ම
දාහ ගානේ හැම දෙනාට ම
ලියුවා දඩ කොළේ...
සොයයි නම්බූ නාම බලයි කුළ මළ යාන වාහන වතුපිටි යහමින් තිබේදැයි සහකරුවාට අතැඟිලි බඳිනට තම දියණියට ලන්සු තබති ගණුදෙනුකරුවන් වටවී ලොවට හොරා රහසේ ඉකිබිඳියි ඇය අතීතයේ දිනයක තම වටිනා දෑ සියල්ල පුද දී අවසන් වූ කල හොර රහසෙ සැඟවගිය සත්යප්රේම භෘංගරාජයා කළ හදිය සිහිවී...
ලොවට හොරෙන් කරන කෙරුම් රඟන රැඟුම් මේ ලොව දනී තවෙකෙක් දිනක් පැමිණෙයි විත්ති කූඩුවට නඟිනා මායාවේ දුහුල් සළුව ලිහී සියළු චෝදනාවලට වැරදිකරුවන සිතන වාරයක් පාසා බරපතල වැඩ සහිත දඩුවම් විඳිනා හෘද සාක්ෂියේ අධිකරණයේ
අත්හැරීම සංකල්පයක් ම වී බණමඩුවල කථා ඇතුලෙ පුස්කාපු තැටිවල පරණ වෑර්ලස් හඩින් කොතෙක් ඇහුනත් පිම්මෙ දුවන අපිට මොන අත්හැරීම් ද තව පොදි බඳිනව මිසක් කිනම් සංතුෂ්ඨියක්ද කිනම් නිවනක්ද
පමාවී පැමිණි දුම්රියේ
පාපුවරුවේ යාන්තමට කකුල තියන්
එල්ලී පැමිණි මේ දුර ගමනේ
ටිකෙන් ටික සෙනඟ බැසගොසින්
යාන්තමින් රිංගාගෙන
අසුනකට වාරු දී සිටී මොහොතේ
හදිසියේ බැසගිය කෙනාගේ
අසුනේ පුරප්පාඩුව පිරවීමට වරම් ලදී
සැප අසුනේ සුවපහසුව මැද
අවට සිරි නරඹමින්
සිහිල් සුළං රැල්ලක පහස විඳිමින්
මටත් නොදැණුවත්වම
සුව නින්දේ පසුවු මා
හදිසියේ ඇහැරුණෙමි
මම ටිකට් ගත්තෙ නැහැනෙ
කමක් නෑ
ඔන්න ඔහේ තව ටිකක් නිදාගන්නව
සැබෑ ලෝකයේ
ස්ත්රී දූෂණ
මිනී මැරුම්
කොල්ලකෑම්
ළමා අපචාර
නේකවිද අපරාද
ඉවසා නොදැක්කාසේ ඉන්න අපි
කාගෙහරි
ප්රබන්ධයක, නිර්මාණයක
ඒවා දකිද්දි
නිර්මණකරුවාට එරෙහිව
අවි අමෝරා නැඟී සිටින හැටි
ගිනියම් පොළොව අඟල් හතරෙ ගඩොලින් වෙන්වුනු ටකරන් වහලෙ ගෙවල් බීගෙන ආපු බේබද්දෙකුගෙ, බලු කුණුහරුප මැදින් ගෑණිට තඩිබාන සද්දෙ අඩ අඳුරෙ කෙල්ලෙක් තාප්පෙට හේත්තු කරන් කට කන කොල්ලෙක් ජංගි කොටයක් ඇඳගත් කැහැටු ළමයෙක් බඩගින්නෙ මොරදෙයි බලු බෙටි උඩින් පැන පැන අඩි දෙකේ පාරෙන් ඇදී එන සුර දෙව්දුව පාටකළ දෙතොල් සරාගී දෙණුවන් පිරුණු ලැම පැද්දෙන නිතඹ කාර් රථයක දොර ඇරෙයි.. පැය කිහිපයකින් ඇය යළිත්. දෙපසට විසි වෙවි දෙස් දෙවොල් හා කන්නලව්වක් පිරිමි සනුහරේටම....
කුසට නොකා නුඹ අප සැනසු හැටි
අප රැක ගන්නට දුක් වින්ඳ හැටි
ලෙඩට දුකේදී ලඟින් සිටී හැටි
යහ මඟ යන්නට පාර කිවූ හැටි
.....................
ආසයි මට නුඹෙ ඉහ ඉද්දරින් ඇළවෙන්න
නුඹේ කවියකින් සැනසෙන්න
නුඹට කියා මගෙ හිස පිරිමැදගන්න
නුඹේ උණුසුමෙ වැතිර සිටින්න
......................
අපි වෙනුවෙන් නුඹ පැතු ලෝකයට
අපි අද යමින් සිටිනා අතරේ
ඒ සතුට විඳගන්න නුඹ නැති මොහොතක
ඒ අඩුව දැනේ හද පතුලට ම
......................
සිටිනා ලෝකෙක යෙහෙන් වැජබෙන්නයි
මතු සංසාරෙදි නිවන් දකින්නයි
උපදින මතු ඳා නුඹෙ ම පුතු වන්නයි
අත්තම්මා නොව නුඹ මාගෙ අම්මයි....
අපි මුසෙල්මාණුවන්ගෙ කඩ වර්ජනය කරමු සිංහල කඩවලට ම යමු අපේ අය අපිට ගොඩක් අඩුවට බඩු විකුණාවි මාසේ අන්තිමට හම්බෙන තුට්ටු දෙකෙන් කරන්න තියෙන වැඩ ගැන මුදලාලියා නොදන්නවයි එතකොට අපේ සල්ලි අපේම අය ලඟ ලාබෙන් කොටසක් මුදලාලියා අපේ ජාතියේ සුභ සිද්ධියට වෙන්කරාවි. කොටසක් පන්සලටත් පූජා කරාවි පන්සලෙන් ඒවා දුප්පතුන්ට බෙදා දේවි එතකොට තම්බිලා දුප්පත් වේවි උන් පිරිහිලා යාවි මේ රට අපිට ඉතිරි වේවි සිංහලයෝ යහතින් වැජබේවි ඒ කියන්නෙ මම දැන් හෙලයෙක්
ගහක් කොළක් නැති කතරේ
වේලිච්ච කාලේ ඉවරයි..
මේක පුදුම ගහක්
පට්ට කඳ
හරහට දාලා ඉරාගත්තනම් මරු..
තව තව අදහස්
සැවොම පොරකති..
අඩෝ ඒක දිරච්ච එරඬු ගහක්
එකෙක් මොරදෙයි..
ඒත් අනිත් උන්ට ඒ වගක්වත් නෑ
*
*
මේ කිසිවක් නොඳන්න ගානට
ගහ ඔහේ ඉන්න හැටි..
වාරුවෙන් නැඟීසිටින
අබලන්වූ දිරාපු ඉණි වැට
වුනාට කම් නැත
මොකටද කඩුල්ලක්
ණයවෙලාහරි දමන්නෝන
මහා පතරංග
යකඩ ගේට්ටුවක්
ලෝකෙට පෙනෙන්න
ලස්සනට
උජාරුවට......
වැරදි කරන උන්ට
තමන් කරන වැරැද්ද
තවෙකෙක් පෙන්වාදුන්විට
උන්,
වැරැද්ද හදාගන්නවා වෙනුවට
විලි ලැජ්ජාවක් නැතිව
ඒ වැරැද්දම
අනිත් උන්ටත් කරන්න යැයි
කියන අපූරුව
