ජීවන තරඟය

ඉඩ කඩම් යාන වාහන
තව තවත් සැප පහසුකම්
හඹායන අපේ ජීවිත
දෙමව්පියන් දූ දරුවන්
අඹු සැමියන්
තවත් දේවල් අතහැරෙනවද ඉතින්

හතිවැටුණ දවසක හැරී බැලුවම 
ලැබු දේට වඩා
කොතෙක් නම් තව වටින දේවල්
අහිමිවී ඇතිබව
දැනෙයි නිසැකව

ලෙඩ ගොන්නක් කරපින්නා
හිතේ සැනසුම අහිමි කරගෙන
රැස්කරගත් සැප සම්පත්
දමා යන්නට වෙනව සැමට ම

දිවීම මදකට නතරකොට අපි
මදක් නැවතී ඉසිඹුවක් ගෙන
හැරී බලමුද 
අතහැරුණෙ මොනවදෝ කියා
යන්නෙ කොතැනටදෝ කියා

මිනිසත්කම වෙනුවෙන්

ජාති කුල වර්ණ
නන් විද බෙදුමින්
බලවතුන්ගේ දෙපා ලඟ
තැලී පොඩිවූ
සුවහසක් මිනිසුන් හෙලූ
සෝ සුසුම් ලේ දාබිඳු වලට
අයදිමි සමා
මනුසත්කම වෙනුවෙන්
මිනිසුන්ට මිනිස්කමින් සලකන
හෙට දවසක් වෙනුවෙන්
මොහොතක් නැවතී 
දුරස්බව අත්හැර
ඇහුම්කන්දෙමු 
අනිකාගෙ හද ගැහෙන රාවයට